Mradi wa ukarabati wa maabara katika Ndaki ya Tiba ya Mifugo na Sayansi za Afya unaotekelezwa na shirika la Foundation Science for Development umegusa idara ya Fiziologia, Biochemia na Famakolojia. Katika ukarabati huo, maabara ya kufundishia kwa vitendo (MLB 8) inayosimamiwa na idara imefanyiwa maboresho makubwa na muhimu.
Miongoni mwa maboresho yaliyofanyika ni kuwekwa kwa sakafu na meza za marumaru, madirisha ya kisasa na kuwekwa mfumo wa kupoza (kiyoyozi). Aidha maabara hiyo imewekwa ubao wa kisasa na vifaa vya kufanyia projection.
Mkuu wa Idara ya Fiziolojia, Biokemia na Famakolojia, Dr Gaymary Bakari amewaongoza wafanyakazi wa idara kushiriki katika hafla ya kuzinduliwa maabara hizo iliyofanyika tarehe 26/11/2020.
